"Бүгінгі түлек — ертеңгі көшбасшы" мотивациялық кездесу

   21 қараша күні мектебімізде жүрекке жылу, көңілге шабыт сыйлаған ерекше кездесу өтті. Біздің аяулы түлектеріміз, мектебіміздің мақтаныштары — Жайлаубек Тоғжан мен Әкімбек Жұлдыз 11-сынып оқушыларымен ашық әңгіме өткізіп, өз тәжірибесімен, шынайы естеліктерімен және өмірлік кеңестерімен бөлісті.

Түлектеріміз оқу, мамандық таңдау, мотивация, мүмкіндіктерді табу, студенттік өмірдің алғашқы қадамдары туралы маңызды ойлар айтты. Оқушылар өздерін мазалаған сұрақтарға толық жауап алып, болашаққа деген сенімдері нығайды.

Бұл кездесудің жоғары деңгейде өтуіне үлес қосқан ұйымдастырушылар — Кәдірхан Айдана мен Сембаева Динара.