“Абай мұрасы-халық мұрасы”

  №172 мектеп-гимназиясында “Абай мұрасы-халық мұрасы” атты оқырмандар танымдық сағаты ұйымдастырылды.Шара ұйымдастырушысы: кітапхана меңгерушісі Д.С.Қожамбердиева.Қатысушылар: 6-7 сынып білім алушылары.
Абай – ақын, ағартушы, философ, қазақтың жазба әдебиетінің негізін қалаушы ұлы ақынымыздың туылғанына да биыл 178 жыл толып отыр. Осы орайда, мектебіміздің 67 сыныптары арасында “ Абай мұрасы - халық мұрасы” тақырыбында ақынның қара сөздерін дәріптеуге, жыр жолдарын мәнерлеп оқуға арналған танымдық сағат өтті.

*Мақсаты:* Абай оқуларын ұрпақ санасында мәңгі жаңғыртып, ұлықталып отыруына мүмкіндік беру және Қазақтың әдеби дүниетанымындағы маржанын теріп, адамгершілік пен тәрбиені ұштастыра білген ұлы ақынның 45 қара сөзінің мән- мағынасына тоқталу болды.
Адами құндылықтарды дәріптеген он жетінші қара сөзіне тоқталған оқушылар, ой қоржындарына біраз дүниені салып алғандары анық болды. Осындай танымдық сағат зор әсер ала отырып, жалғасын тапқанын қалайтындарын жеткізді.