"Президенттер Одағы"

   2022-2023 оқу жылына сайланған мектеп президентіміз Екатерина - өз лауазымына лайық жұмыс атқаратын, ұйымдастырушылық және көшбасшысылық қабілеті жоғары өзге оқушыларға үлгі боларлықтай тұлға.
6-ақпан күні №172 мектеп-гимназиясының педагог ұйымдастырушысы Жанадилова Ақмарал мен мектеп парламент Президенті Тұрсынханова Екатерина КазГУ мектебінде құрылған "Президенттер Одағының" ресми мүшесі болды. Одақтың алғашқы отырысына 18 мектеп президенті келіп, бір-бірімен тәжірибе алмасып, алдағы уақыттарға бірлесіп жұмыс атқаруға жоспарлар құрды. Одақтың мақсаты: аудан, қала көлеміндегі мектептермен байланыс орнату, идеялар шеруін іске асыру және мәдениетті қарым-қатынасты нығайту мақсатында түрлі сайыс, семинар, дебаттар өткізу. Одақ жұмысының нәтижелерін инстаграм парақшамызда бөлісіп отырамыз! Сондықтан, бізбен бірге болыңыздар!