04
қараша
2022
Тренинг
Баланы тәрбиелеу үшін, бай-бағлан болудың қажеті жоқ екендігін өмір өзі делелдеп беріп жатыр. Керісінше әрбір жанда рухани байлық азығы болса, жақсы тәрбие алып өсетіні айдан анық. Балаға тәрбиешіні алыстан іздеу – бос әурешілік екені, бала тәрбиесі – ең алдымен ата-ананың парызы екенін тағы бір мәрте дәлелдейтін іс-шара Медеу ауданындағы N172 мектеп-гимназиясында өтті. Тренинг барысында филиал өкілі Меруерт Мәулетқызы бірлестік жайлы түсіндіріп өтсе, психолог Қуаныш Қуатқызы перзентке ата-анасынан артық тәрбиеші жоқ екенін, оларға дос-құрбыларымен сыйласуды, ағайын-туыспен араласуды, ұстаздарын құрметтеуді үйрететін де – ата-анасы екенін жан-жақты түсіндіріп берді. Ата-аналардың сұрақтарына жауап беріп, кері байланыс ұйымдастырып, пікірлерін тыңдады. Іс-шара барысында тәрбиенің басты ұстазы ата-ана екенін түсіндіру арқылы мектеп, ата-ана, оқушы арасындағы байланыс нығая түсіп, жауапкершілік артты.