“Мұқағали жыры мәңгілік” атты сурет байқауы

5, 6, 7-сыныптар арасында “Мұқағали жыры мәңгілік” атты сурет байқауы өтті.

Байқаудың негізгі мақсаты – жас ұрпаққа қазақ поэзиясының заңғар тұлғасы Мұқағали Мақатаевтың шығармашылығын кеңінен таныту, оқушылардың көркемдік талғамын, шығармашылық қабілеттерін дамыту, ақын өлеңдері арқылы туған елге, ана тіліне деген сүйіспеншілігін арттыру.

Сурет байқауына қатысқан оқушылар ақын жырларынан алған әсерлерін қағаз бетіне түсіріп, өз қиялдары мен ой-толғамдарын бояу арқылы шебер жеткізе білді. Әрбір жұмысынан Мұқағали поэзиясының тереңдігі, өмірге деген махаббаты мен адамгершілік құндылықтары айқын көрініс тапты.

Байқау соңында жұмыстар бағаланып, ерекше көзге түскен оқушылар марапатталды. Бұл шара оқушылардың шығармашылық белсенділігін арттырып, Мұқағали жырының мәңгілік екенін тағы бір мәрте дәлелдеді.